ភ្នំពេញ៖ អតីតនាយករដ្ឋមន្ត្រីកម្ពុជា សម្ដេចតេជោ ហ៊ុន សែន ត្រូវបានសមាជិកព្រឹទ្ធសភាបោះឆ្នោតជ្រើសតាំងជាប្រធានព្រឹទ្ធសភានៅព្រឹកថ្ងៃទី៣ ខែមេសា ឆ្នាំ២០២៤ នេះដែលជាតំណែងខ្ពស់បំផុតនៅក្នុងអង្គនីតិបញ្ញត្តិ។
សម្ដេចតេជោត្រូវបានសមាជិកព្រឹទ្ធសភាបោះឆ្នោតគាំទ្រជាប្រធានព្រឹទ្ធសភាក្នុងសំឡេង ៦២លើ៦២សំឡេង ។
គួរដឹងផងដែរថាបន្ទាប់ពីកាន់កាប់អង្គនីតិប្រតិបត្តិអស់រយៈពេល ៤៣ឆ្នាំ សម្ដេចតេជោ ហ៊ុន សែន បានលាលែងពីតំណែងជានាយករដ្ឋមន្ត្រីកាលពីថ្ងៃទី ២១ ខែសីហា ឆ្នាំ២០២៣ ដោយទុកឱកាសដល់អ្នកបន្តវេនដើម្បីដឹកនាំការងារបន្ត។ សម្ដេចក៏បានលាលែងពីការងារសមាជិករដ្ឋសភាផងដែរកាលពីថ្ងៃទី២ ខែមេសា ដើម្បីបន្តការងារថ្មីនៅព្រឹទ្ធសភា៕
